Psa 108 | NdeIBE | STEP | Ingoma. Ihubo likaDavida. Inhliziyo yami iqinile, kayiguquki, O Nkulunkulu; ngizahlabela ngitshaye izigubhu ngomoya wami wonke.

Psalms 108

1 Inhliziyo yami iqinile, kayiguquki, O Nkulunkulu; ngizahlabela ngitshaye izigubhu ngomoya wami wonke.

2 Vukani, mhubhe lechacho! Ngizakuvusa ukusa.

3 Ngizakudumisa, yebo Jehova, phakathi kwezizwe; ngizahlabela ngawe phakathi kwabantu.

4 Ngokuba lukhulu uthando lwakho, luphakame kulamazulu; ukwethembeka kwakho kufinyelela emkhathini.

5 Kawuphakanyiswe, yebo Nkulunkulu, ngaphezu kwamazulu, akuthi inkazimulo yakho ibe khona emhlabeni wonke.

6 Sisindise usisize ngesandla sakho sokunene, ukuze kuthi laba obathandayo bakhululwe.

7 UNkulunkulu usekhulumile esendlini yakhe engcwele: “Ngokunqoba ngizayaba iShekemu ngisabe isiGodi saseSukothi.

8 Ngeyami iGileyadi, uManase ngowami; u-Efrayimi uyisivikelo sekhanda lami, uJuda yintonga yami yombuso.

9 IMowabi ngumganu wami wokugezela, phezu kuka-Edomi ngiphosela amanyathelo ami; phezu kweFilistiya ngihalalisa umkhosi wokunqoba.”

10 Ngubani ozangisa emzini olenqaba na? Ngubani ozangihola angise e-Edomi na?

11 Kakusuwe na, O Nkulunkulu, wena osusikhalele, ongasaphumi lezimpi zethu?

12 Ake usisize ezitheni zethu, ngoba usizo lomuntu luyize.

13 Nxa siloNkulunkulu sizanqoba, njalo uzazinyathelela phansi izitha zethu.